郭柏妍有被問價訊息當睇唔到　收負評唔會避：我見到仲望多幾十眼

藝人劉穎鏇及郭柏妍日前（25日）出席TVB劇集《奪命提示》結局晚宴，二人接受《香港01》訪問時表示劇集完結感到不捨。

劉穎鏇指：“我成日都話好快就好似完咗一節咁樣，即係一集里面有幾節，跟住我話：咦！點解咁快就去個廣告，即係好似一路睇都唔想佢停咁樣！”

劉穎鏇及郭柏妍被問到于劇中穿得那麼性感，會否有不少網民私信她們時，她們表示反而有不少網民把“Double C”的造型截圖逐一跟二人分享。

郭柏妍就見到大家的認真：“原來大家係好認真咁樣去睇我哋嘅劇情，同埋我覺得對于真係可能演員嚟講係幾好嘅，因為未必真係咁有一個劇容許你咁多個造型，監制造型師又愿意花時間去做呢樣嘢，咁我自己覺得係好開心同埋好感恩嘅。”

至于有否收過訊息“被問價”時，劉穎鏇表示沒收過這些訊息：“呢個我真係冇收過喎。”

而郭柏妍亦有同感：“真係冇乜呢一類型嘅message，反而係啲好鼓勵性嘅message，或者好欣賞我哋嘅真係好專業啊，真係試唔同嘅造型啊，愿意花呢個時間同埋心機去做好嗰樣嘢，反而係好多呢啲嘅評價。”

她指在《奪命提示》中有很大的突破，因為她很少去做一些撫媚的表情，所以她覺得自己有新嘗試，打破一直以來的“乖乖女”形象：“因為我之前好擔心，覺得死啦！大家會唔會覺得我差咗啊壞咗啊。”但原來觀眾都能接受她這一面。

被問到除了現在，之前會否也曾收過“問價”的訊息時，郭柏妍就指在龐大的訊息量中，的確會一至兩個這樣的訊息，但她表示知道自己想做的是什麼：“因為我知道自己好清楚自己想做啲咩，同埋要做啲咩，咁所以我收到嘅時候都會好快忽略過呢一樣嘢。”郭柏妍會選擇不理會這些訊息，但就對另一些訊息就不會忽視！

原來是她收到負評，就一定不會選擇看不到：“我見到仲望多幾十眼咁樣！仲研究緊佢講緊嘅嘢！（反而有啲負評你又會睇得多？）我會?而家，因為如果我見到啲負評嘅話我都會回覆，其實之前我都有回覆過嘅，我覺得係好難得，因為佢愿意花時間去做呢一樣嘢，咁所以我覺得我會好認真去回覆佢。”