香港
由陳淽菁主持的HOY TV電視節目《他鄉的煮人》帶大家走訪世界各地，探討港廚去到他鄉，仍然用香港人的味道，堅持發展自己事業故事。
入行31年，55歲的陳淽菁感激當日娘家為她打造了穩重司儀形象，就算離開TVB8年仍不愁冇Job做，淽菁為近日藝人對TVB怨氣發聲說：“做人要飲水思源，TVB係宣傳自己嘅重要平臺。” 採訪：方騫平
原來陳淽菁一直恨與有“金牌監制”之稱的張志明合作，今次在《他鄉的煮人》終于遇上，更大讚幕后團隊相當專業，不論攝影、音樂、甚至撰稿都好出色，除美食外還拍出人情味：“尤其被日本橫濱女廚師Linda嘅故事打動，睇影片時感動到喊。”稍后淽菁返回多倫多，到時會拜訪兩位廚師，品嚐龍蝦山和叉燒拿手菜。
同老公口味唔夾
講到廚藝，陳淽菁爆出兩公婆一個小秘密：“啱啱同大律師老公張錦榮拍拖時，我試過玩煮飯仔，但只食原型食物，而且少鹽少油，清淡到佢頂唔住，佢要求食物要有鑊氣，所以第2日開始佢要自己煮，佢嘅廚藝比我更出色，而我最叻只係煲湯。”
雖然淽菁離巢8年，但多年來keep住多司儀job，即使逆市下工作依然不減：“回望TVB工資係唔高，但可以利用一個世界性嘅平臺，幫到自己做宣傳，拍到啲經典劇集和做大型活動司儀，等外界對我有信心，仲有錢袋，都唔錯呀！做人要飲水思源。”
陳淽菁還會效發尊敬的前輩汪明荃及鄭裕玲，永不言休，笑說：“佢哋都唔退休，我點敢退休呀？”
淽菁更在逆市自我增值，進修寵物傳心、奇門遁甲、塔羅牌等，務求開拓更多瓣數。
特別聲明：以上內容(如有圖片或視頻亦包括在內)為自媒體平臺“網易號”用戶上傳并發布，本平臺僅提供信息存儲服務。
Notice: The content above (including the pictures and videos if any) is uploaded and posted by a user of NetEase Hao, which is a social media platform and only provides information storage services.
