江華當年以超班新人姿態在亞視出道，訓練班未畢業就有主角做，更奪過金像獎的“最佳新演員”獎。他后來被TVB高薪挖角，滿懷希望去這個更大的舞臺大展拳腳，卻迎來過往在溫室前所未見的權斗文化。回顧當年，他直言：“TVB最失敗就系山頭文化！”盡管當年在TVB演出飾演過唐三藏、連晉/嫪毐、李大蝦、項羽等多個經典角色，深受觀眾喜愛，但他自言當年根本沒機會拍大制作，連擔正男一都僅得一、兩次，《九五至尊》爆紅也是公司意料之外。
早已看透電視圈游戲規則的江華已淡出幕前多時，近年轉戰網上平臺開直播，觀眾問得最多的就是他何時再拍劇，對于復出拍劇的可能性，就讓他在訪問親自揭曉。
場地：花圖

城寨長大家貧見盡黃賭毒　因嚴父不敢學壞

江華以往是觀眾心目中的御用皇帝，氣宇軒昂、貴氣逼人，但現實中他卻成長于龍蛇混雜的九龍城寨，自從去年電影《九龍城寨之圍城》上映后，重新燃起觀眾對這個地方的想像、回憶。外人可能覺得這個“三不管”地帶恐怖，又或者因為電影而認為這個地方被浪漫化，但作為曾居住該處十多年的江華，早已對里頭的黃賭毒見慣不怪，更冷笑一聲問：“浪漫？點會浪漫？”他親眼見過道友“追龍”，“含住個火柴，一張錫紙，佢哋叫做吹口琴，睇過?啦呢啲，打針啰。”問到可曾學壞，他指眼看吸毒者個個都冇好下場，因此很堅定自己一定不會像他們那樣，又笑言：“我不嬲都好壞嘅，但系我冇吸毒，我唔鐘意吸毒，你話飲啤酒食煙啲有嘅，因為喺我哋個年代都系咁嘅，覺得食煙系有型?嘛，啲明星個個都食煙?陣時，而家唔系啦。”

江華的成長環境被黃賭毒包圍，面對“追龍”等，他早見慣不怪。（梁碧玲攝）

江華家有一兄一姊，他形容父親昂藏七尺般高，加上管教甚嚴，體罰時甚至會吊起他用掃把柄打，打到掃把斷掉為止，因此他從不敢學壞、不敢入黑社會，小時候聽教聽話，老是被爸爸和哥哥差遣去買東西，“我仲記得時我哥哥叫我去買薯片，叫珍珍辣薯片，買完之后冇得食?，佢食完之后個包裝里面有啲碎，佢就畀啲碎你食?咋，嘩，都好開心?。”住得城寨，家境當然清貧，小時候還常常遇上制水，因此讀幼稚園見到有人來派維他命丸、派牛奶、餅干，他已快樂不已。江華又記得媽媽要在家中幫媽媽工作，“時媽媽攞啲膠花返嚟屋企度做，攞啲表帶返嚟扱，咁我哋喺屋企咪要幫手，就系做呢啲?啦。”父親在他8歲時過世，幸好母親和兄姊都很辛勤工作，經濟狀況還過得去，撐到他十多歲讀訓練班為止。

江華與母親感情甚好，小時候他會在家里幫媽媽黐膠花、扱表帶。（facebook：Kitman Mak）

雖然小時候家境貧困，江華演皇帝時似模似樣，問到如何培養出貴族氣質，他笑說：“喺我哋呢個年代都冇人見過皇帝啦，咁皇帝系點嘅啫？你自己要相信你自己系啰，系咪呀？咁啲人會話你真系好似?，好有氣質，其實都冇人見過。”（梁碧玲攝）

訓練班未畢業已做男主角　遭導演痛罵想辭演

江華當初去亞視讀訓練班，純粹想見識一下，不過訓練班未畢業已被相中，于人生第一套劇《少林英雄》做男主角，那時候楊錦泉監制大贊他是可造之材、樣子純品，一定會有觀眾緣，不過，江華只拍了三日，便因為挫敗感向訓練班訓導主任請辭，他憶述：“因為唔識做戲，人哋明明叫我攞住個木箱掟去前面，我驚起上嚟掟咗去后面，兜頭咁掟咗去我后面個人度！我覺得好鬼冇用，于是乎咪同佢講話唔做喇，結果梗系唔系啦，佢話你唔做我唔唔會勉強你嘅，但系我哋做咗呢行咁耐，我覺得你系好適合嘅，你自己決定啦。”

江華訓練班未畢業，就已獲監制選中做《少林英雄》第一男主角，同劇還有麥翠嫻、劉少君、王偉、尹天照、葉玉平。（《少林英雄》劇照）

他記得自己曾因為做不好一個被刀斬大髀的痛苦表情，被女導演開咪喪鬧，更問候他全家，他覺得羞恥到不得了，同時十分難受無奈，表示：“又唔系要話我自己要做男主角，大佬你叫我出嚟做咋嘛，我都未畢業，我唔識做都好應該啫，鬧到咁樣。”不過自從那一次，他便在心里暗暗發誓：“我一定要做好啲！我一定要以后都唔再俾人鬧！”結果，他真的沒在被人鬧過，更很快便在《第9屆香港電影金像獎》上拿了“最佳新演員”，一雪前恥。

江華憑電影《但愿人長久》奪得《第9屆香港電影金像獎頒獎典禮》“最佳新演員”獎項，但他早前應邀將獎項捐至香港歷史博物館，表示：“所有嘢都系身外物啫，如果真系你捐出去佢哋有咁嘅需要，我覺得個意義仲大過你自己收埋。”（抖音：江華1119）

直指TVB不愛才　權斗令發揮受阻難演出大制作

在亞視待了十年后，他被無線以高一、兩倍人工高薪挖角，以往在亞視出外景時，出入都要自己一抽二掕提衣服，看著無線有幾架廿四座接載藝員，又有幾個服裝人員服侍演員，江華非常羨慕，“陣時TVB系好巴閉嘅，能夠過到TVB系一種光榮嚟嘅，嘩！邀請我過去?，飯應啦大佬。喺我哋個年代，拍電視呢，你能夠喺無線電視臺拍呢，你系高幾格?，個人行路都飄啲?！他一心想著要大展拳腳，誰知迎來他的，是復雜到不得了的權斗和限制，跟以往充滿自由度的“山寨仔”亞視截然不同，例如最初無線應承他讓他飾演《笑傲江湖》的令狐沖，最終卻易角，他被安排演《西游記》的唐三藏。

江華在亞視時，非常向往無線的生活，覺得能在TVB拍劇十分光榮，然而置身當中后卻使他失望。（梁碧玲攝）

《西游記》大受歡迎，江華演的唐三藏至今仍無人能超越，但他卻不喜歡這個角色，覺得冇戲做，“個角色出嚟，評價系好高嘅，但系你高還高，就系唔鐘意呀嘛，陣時嘅諗法好天真，覺得唐三藏邊有戲做嘅啫，木木獨獨咁樣。世事就系咁樣?啦，有好多嘢其實唔系咁?，唔系咁差，但系可能你自己覺得佢好差，而家回返轉頭去睇，我哋嘅人生，有好多我哋認為唔好嘅嘢，系未必唔好?，相反都系一樣。”2018年的《萬千星輝頒獎典禮》上，鎮臺之寶汪明荃（阿姐）公開發聲，表示：“山頭文化少啲啲，一定可以發掘同挽留多啲人才。”既然江華覺得人事復雜，問他是否深深體會到山頭文化很嚴重，他直言：“我覺得TVB最失敗系呢樣嘢！”

汪明荃早在幾年前已在《萬千星輝頒獎典禮》上痛批“山頭文化”，江華也直言：“我覺得TVB最失敗系呢樣嘢！”（梁碧玲攝）

江華續說：“咁TVB陣時佢個國運好好呀嘛，你無論任何妖魔鬼怪都搞佢唔死?嘛，時系有個勢，相反你睇而家，唔需要講佢乜嘢，你自己睇到?嘛，其實佢最失敗系呢樣嘢，我覺得TVB佢哋唔系好愛才，佢哋系玩權力。”講到山頭文化對他可曾構成什么傷害，他認為說不上傷害，畢竟那陣時有糧出，既然路是自己選的就不要怨，但亦不諱言以往曾因發揮機會不多而難過，他相信若果TVB沒有這個文化，大家齊心點、團結點，或未必積弱如今時今日，“大家都系要弄權為樂嘅，咁你一定唔會好，變咗你有你嘅諗法，我有我嘅諗法吖嘛，而唔系大家做好件事，亦都唔系因為想件事好而去做，只不過系我搞好我自己瓣，咁我就搞死你，咁就死啦，咁點會好呢？”

江華回憶起TVB權力斗爭很多，他說：“我又唔鐘意你，你又唔妥我，你有你支旗，我有我支旗，都唔系同心去做一樣嘢。”（梁碧玲攝）

相信很多觀眾都未必同意，江華說自己在TVB發揮機會少，他在TVB的十年間演出的劇集不算很多，但爆紅的角色卻很多，而且至今仍是經典。他卻說當時其實沒機會參與大制作，“嗱你自己諗嚇，我喺TVB嘅戲，其實我最爆紅套《九五至尊》系好低成本?咋，唔系咩大制作嚟?，系佢哋估唔到咋嘛，點解會咁樣彈咗出嚟?？你話《西游記》啲，大啲啰，但系《西游記》都唔系第一男主角啦，梗系馬騮精啦第一男主角。咁你再講《尋秦記》，都唔系你做主角啦，你勁，你個角色出咗嚟啫，但系都唔系你做主角?。”要說做男一的，他說其實只得《九五至尊》，以及另一套以女性為主的《苗翠花》，但事過境遷，他始終相信一切是最好的安排。

江華表示，自己其實只在TVB做過一、兩次男一，分別是《九五至尊》及《苗翠花》，但后者其實是套女人戲，因此他其實也發揮不多。（《苗翠花》劇照）

江華否認自己敗在不懂埋堆，因為有很多人一樣不擅埋堆，卻不乏機會，他自問不埋堆、不拍馬屁，能有如此成績，他已感到自豪，更問夫復可求。他又說：“我最記得時有一年，《九五至尊》出咗嚟好受歡迎，去啲咩周刊頒獎禮啲咁樣，我同吳美珩一齊，佢坐喺我隔籬，佢就講咗一句，佢話：‘師父，你咁樣都能夠做到咁樣，好嘢！’即系其實好多人都知我咩性格?啦，系咪呀？佢都講咗句咁樣嘅說話，我都覺得，都夠吖起碼。”

江華說自己在片場中是非常專注的，當入戲后至煞科前都會沉浸在角色之中，不能跟其他人嘻嘻哈哈，也因此被認為不合群。（梁碧玲攝）

被指化妝時間長過孫悟空黐毛　親自平反

江華的經典角色，隨口都數得出五、六個，想睇他親自回顧每個角色的難忘回憶，可以觀看以上的訪問片段，現在節錄其中幾個一部份，當然要從《西游記》講起。四個主角中，“沙僧”麥包要黐須戴頭套、“豬八戒”黎耀祥要化道具妝戴假肚、“孫悟空”張衛健更要黐到一身毛，看起來唐三藏似乎最舒服，但當年有傳江華化妝的時間比張衛健黐毛還要久，他說是大家畀面，將小事化大，“譬如話又唔使黐毛、點解要化妝，我化妝系自己化啫，又唔使你化，你明唔明呀？點解會話化妝會自己化，就算服裝各樣嘢，我哋慣咗，首先喺我哋成長過程里面，我哋知道求人系好難，亞洲電視嘅時候資源系冇無線咁好，我哋喺邊長大呢，我哋就學會任何嘢都自己去處理。”對于被指姿整，他說以往常常都聽到，“話我就系姿整啰，我化妝就系姿整啰，秋官（鄭少秋）化妝就系，專業！”

江華表示拍《西游記》時，最辛苦是見到大家搞搞震，但礙于唐三藏角色太正經，他不能跟大家一齊玩，面對張衛健爆肚，他也只能說句“阿彌陀佛”。（《西游記》劇照）

《碧血劍》中，江華有“最靚仔金蛇郎君”之稱，完全搶去主角風頭。劇中他并非集集有份，據當時的劇集統籌說，只要有他的集數，收視就會升，沒有他戲份的，收視就會跌。（《碧血劍》劇照）

《尋秦記》連晉獲贊　多謝連登仔捧為影視王者

《尋秦記》中的連晉、嫪毐同樣深入民心，即使事隔多年，最近仍有網上貼文說，連晉像一個自帶背景音樂的角色，每次一響起劇中某首音樂，就意味著連晉做了壞事，原來江華都有聽聞此事，這就要歸功于兒子陳耀淙，把高登、連登討論區的資訊告訴他，“佢會話返畀我聽，甚至乎佢哋有條題就系話‘江華算唔算系影視界嘅王者’咁樣，好畀面?佢哋，同埋佢哋系好多時都會去討論我嘅角色?，多謝你哋！”《尋秦記》電影版雖然暫時仍上映無期，但早已拍完，雖說難得邀請到原班人馬，但不少觀眾都認為獨欠江華相當可惜，他解釋不拍的原因——冇必要，“都老咗啦，大家都唔同曬啦，如果你話要我喺套戲里面再出現一個連晉也好，嫪毐也好，死咗喇?，仲再出現？”他認為一套劇集能成為觀眾口中的經典已非常足夠，對其他演員而言，重拍或許有另一重意義，但對他來說就沒有。

江華說，有位住圍村的朋友告訴他，每首大家都會聚首村中食盆菜，但有一年卻愈食愈少人，原來當晚是《尋秦記》大結局，大家都沖回家看。（《尋秦記》劇照）

盡管已淡出多年，2025年2月，仍有網民開Post討論“江華算唔算系影視界嘅王者”，江華對鏡頭向連登仔表示：“多謝你哋！”（麥超億攝）

江華其實已多年沒有受訪，因為覺得自己的生活沒什么好講，今次之所以能夠邀請他出山，多得任職護士的兒子陳耀淙鼓勵，記者實在相當感激！（抖音：江華1119）

《九五至尊》爆紅　感謝監制給予創作空間

《九五至尊》中，雍正化身李大蝦穿越到現代，江華入型入格，他感謝已故監制蕭顯輝給他非常大的創作空間，不像其他人般把他“撳住”，“如果你記得，我坐喺度成個皇帝咁，喺個時代里面坐喺度，一個人坐兩個位咁滯，挜到乜咁，行得好夸張，擺曬步，龍行虎步咁，陣時監制睇完片都覺得，嘩，得唔得呀？好夸張?！我話你信我吖！得?！咁佢就信我，咁就出咗嚟。”而另一套與劉松仁合作的《無業樓民》，他亦喜感十足，在不排戲下頻頻爆肚。他在片中示范了其中一段戲，講到眉飛色舞，難得的是攝影師又可以一直追著他們影，沒有失焦，盡顯功力和默契，江華大嘆：“呢啲嘢而家拍唔到。”

《九五至尊》中，江華就連去地踎火鍋店都坐得端正而霸氣，而且非常挜拃，這是他為角色設計的動作。（《九五至尊》劇照）

江華感激蕭顯輝監制放手讓他創作角色，為《九五至尊》帶來空前成功。（TVB）

認真工作被斥麻煩　解答再拍劇可能性

江華在TVB的告別作是《楚漢驕雄》，虞姬吳美珩自刎一幕，江華大嗌“虞姬！”嗌到當場休克，他憶述：“首先個角色你已經要用丹田、用真氣講每一句說話，但系我覺得，‘虞姬’兩個字喺個時候嘅感情未到，仲可以好，所以不停去repeat，個系廠景嚟?！休克呀！跟住要出廠自己喺出面outdoor度行，自己喺度cool down返自己情緒。”江華直言自己就是這樣高要求，因為他很尊重自己的工作，懂得欣賞的人當然拍曬手掌，然而當時他也聽很多人說他多余，吹毛求疵，麻鬼煩，阻收工……等等，他理解，亦不覺得對方有錯，只是他也不會因而降低自己要求而已；他要不就不接戲，接了，即使再不喜歡也會用盡全力去演，因此他也自覺不適合再拍戲，笑說：“容乜易命都短幾年呀大佬！”

江華在《楚漢驕雄》中飾演項羽，太入戲嗌“虞姬！”嗌到休克。（《楚漢驕雄》劇照）

對于批評，江華認為其他人絕對有權不喜歡自己，他很贊同周潤發一句話“你唔好將自己放得咁大。”他認為人人平等，不要以為自己好紅、個個都要識自己，所以做人到頭來最緊要自己開心，不要傷害人、不要傷害自己，開心就夠。（梁碧玲攝）

《楚》劇大受歡迎，江華在TVB的發展理應可以繼續穩步上揚，他卻選擇急流勇退，離巢TVB。他解釋當時真的突然不想再拍了，哪怕高層如何游說、挽留，他就是不想，“因為時我學緊佛，其實娛樂圈就系一個好爭名奪利嘅地方嚟，就算做到你盡量唔同人爭都好，人哋都會嚟搞你?，真系會睇你唔順眼嘅。好多嘢都會，呢個位你上咗，別人就上唔到呢個位?喇，咁陣時我唔知點解，拍完《楚漢驕雄》，我覺得……唔想再拍喇，唔想再拍喇。”至于是否抵受不住權斗，江華再強調：“唔系嘅，系自己問題啦，真系自己問題，都唔關事，你自己唔想就系唔想，人哋就算有斗爭咁又如何呢？你系自己唔想啫。”

江華最初過TVB時，簽的是一年兩部劇的部頭合約，他離開時高層極力挽頭，開出兩年一劇的條件，他口里說：“好啦，返去諗嚇！”實情卻是：“諗乜鬼吖！”（梁碧玲攝）

記者搜集資料時，見到有觀眾在江華的舊片下留言“食飯時間睇到江華做戲系一件好幸福嘅事”，個人認為這個評價比贊他演技好還要再高一級，畢竟要有幸福感，殊不容易呢。很多觀眾希望再見到江華拍戲，究竟有冇機？他說：“我覺得冇嘢可拍啰而家，有咩好拍呢？如果我要拍戲，求求其其咁拍，隨時都得，而家我都可以拍，上大陸都可以拍，邊度都可以拍，但系我覺得冇意思呀，我覺得冇意思，咁拍嚟做咩呢？”除了不想馬虎了事，他亦深感時移勢易，自己已淡出電視圈廿年，相信也不會再有人為自己寫一個角色，既然現時網絡上都可以重看舊劇，他認為不如留個美好回憶畀觀眾，總好過到時拍了一些角色，觀眾指指點點說：“哎呀，陰功喇，佢而家咁呀！”

得悉自己能令觀眾有幸福感，江華表示：“如果你問我喺呢個圈度最大嘅得著系咩，咪就系呢啲啰，我覺得夠啦已經，我覺得已經夠?喇，已經贏咗喇，你根本都冇輸過。”（梁碧玲攝）

記者再追問，如果有人為他度身而設一個角色，他又會否覺得有意思了，他答：“會！但系我都要睇嚇，要系乜嘢先得?！”TVB與邵氏近年力邀多位舊將回巢拍劇，例如羅嘉良、譚耀文、林保怡等等，講到TVB曾否向他招手，他笑說：“冇?，可能佢知道揾我都冇用啦，哈哈！或者佢都覺得揾呢條友做乜嘢呀，呢條友咁麻煩，我唔知呀，我唔知，但真系老實講，你揾我都唔會拍，因為而家完全唔系我要嘅嘢喇。（記者：所以呢一刻嘅答案系唔會？）基本上唔會，呢個世界冇絕對嘅嘢嘅，但系基本上都唔會喇。”

太太麥潔文曾透露江華不拍劇是因為對行業失望，江華對此回應：“失望呀？我諗多多少少嘅，但系呢個失望同別人無關，我成日都講一句說話，所有問題都系自己嘅問題，唔系人哋嘅問題，包括失望都系自己嘅問題，別人做啲乜嘢系別人嘅做法，其實與你無關，所以，少少失望都有嘅，咁既然失望咁咪唔好返轉頭啰。”（梁碧玲攝）

想更深入收睇江華訪問以及角色趣事，記得睇片！（梁碧玲攝）